ARAR

ARAR

fluv. Galliae Narbonensis ex monte Vogeso, in confinio lotharingiae, per Comitatum et Ducatum Burgundiae fluit, ubi auctus fluv. Dubi aliisque et rigatis Graeô, Cabillone et Matiscone Rhodanum iuxta Lugdunum se exonerat. Clarus ponte Caesaris, unô die militum opere fabricatô; sed fidelium cadaveribus, in quos totam per Galliam saevitum, A. C. 1572. haustis funestus. Araris item dicitur, vulgo La Saona. Porro Arar Britannis lentum sonat, ut Ebraeis aharai Prov. c. 28. v. 23. a verbo ahar, tardare, seu morari. Inde Arari fluvio nomen, qui, Caesare teste l. 1. Bell. Gall. c. 12. sertur incredibili lenitate, ita ut oculis, in quam partem fluat, iudicari non possit. Plin. l. 3. c. 5. Fertilissimus amnis Rhodanus, rapiens se ex Alpibus per Lemanum lacum, segnemque deferens Ararim. Claudian, l. 2. in Rufin v. 111. Lentus Arar Rhodanusque celer ---- vel velox, ut in editione Heinsiana. Silius l. 3. v. 452.

Spumanti Rhodanus proscindit gurgite campos,

Auget opes, stanti similis, tacitôque liquore

Mixtus Arar. ---- ----

Idem l. 15. v. 501.

Quorum serpit Arar per rura pigerrimus amnis.

Lucan. l. 1. v. 433.

---- Qua Rhodanus raptum velocibus undis

In mare fert Ararim. ------

Et. l. 6. v. 475. sensu contrario:

--- --- Rhodanumque morantem

Praecipitavit Arar.

Claudian. l. 2. in Eutrop. v. 268.

Quam Rhodano stimulatus Arar. ----

Seneca in Apotheôsi.

Ararque dubitans quo suos cursus agat.

Strabo l. 4. γενόμενος ἐξ ἀμφοῖν Α῎ραρ συμμίσγει τῷ Ρ῾οδανῷ. Inde putârunt Graeci nomen invenisse παρὰ τὸ ἡρμόςθαι, cum ante Brigulus vocaretur. Plut in l. de Flum. Α῎ραρ ποταμός ἐςτι τῆς Κελτικῆς, τὴν προσηγορίαν εἰληφὼς παρὰ τὸ ἡρμόςθαι τῷ Ρ῾οδανῷ, καταφέρεται γὰρ εἰς τοῦτον κατα τὴν χώραν τῶ Α᾿λλοβρίγων: ἐκαλεῖτο δὲ πρότερον Βρίγουλος. Ibidem multa de Arari, ex Callisthenis Calaticis. Vide Plin. loc. cit. Nic. Lloydius. Valesiô teste etiam Sauconnam dixêre fluvium hunc Galli, non multo ante aetatem Amminai Marcellini; Unde Sagonna Sagona, Saona, et tandem Gallicum hodiernum la Saone factum est. Oritur eidem noblissimum hoc flumen in monte saltuque Vosago,

apud Lotharienses Meridianos, la Voyge, alluitque Bonamvillam Bonville, Attiniacum Attigny, Monasteriolum Monstereul, ad Tria Balnea Trois Bains, Castellionem Chastelion, Pontem ad Ararim Pont sur Saone, Gradicum Castrum Grey, Pontem Arliciorum vel Arleium Pont Arly, paulo infra Vincennae vel Vingennae la Vigene et Araris confluentes. Tum fluviolus Vernela la Vonelle, Selongiam castellum, Miribellium et S. Leodigarii vicum praeterlapsus, Arari accedit; qui postquam Auxonam alluit, Tilâ augetur. Mox Besua, deinde et Oscara Ousche labitur, et per Colcas Couches, Divionem castrum Lingonum, castellum Robur Rovure, et Longam Curtem Longue-court, in Ararim influit, contra Latonam S. Iean de Laone. Arar dein Surregium attingit Seure, Pauliacum Pouly et apud Vidunum Dubim amnem celebrem ac illustrem, le Dou, e monte Iura Sequanisque venientem, recipit: mox irrigat Cabillonum Aeduorum et Graunae vel Graonae fluviolo nomen aquasque aufert, qui la Grone vulgô dictus, Cluniacum Cluny, Brancidunum Brancion ac Frimitatem la Ferte praeterfluit. Sequuntur ad Ararim Tinurcium vel Trenorcium Tokrnuis, Balgiacum Baugey, Salix la Saule, Matisco Aeduorum, Cavinio Chavignon, Monsmerulae Montmerle, Trebula vel Triviolum Trevol, Vimiacum Vimy, Rupesscissa Roche taillee, insula Barbara l'Iste Barbe, veteri Coenobiô nobilis, Lugdunum Segusianorum Lyon, infra quam urbem apud Atanacum Ainay Rhodano miscetur, multis ex utrque ripa amnibus acceptis vix ipsô minor. Fluit sic inrer provinciam Lugdunen sem primam ac Maximam Sequanorum, hosque a Lingonibus et Aeduis provinciae Lugdunensis primae populis dividit, postquam procul a finibus Germaniae primae e Vogeso vel Vosago ortus est. Quare mirandum, quod inter Germaniam primam cum fluere, dicat Amm. Marcellin. l. 15. c 11. Forte decepit eum Virg. pastorem de industria ignatum sieus fluviorum et Ararim in Germania ponentem, introducens, in v. 63. Ecl. 1.

Aut Ararim Parthus bibet aut Germania Tigrim.

Vide Hadr. Vales. Notit. Gall.